Psoriasis
Psoriasis er ólæknanlegur sjúkdómur og aðeins er hægt að halda einkennum hans niðri. Hann er bólgusjúkdómur húðar. Einkenni Psoriasis eru sjálfsofnæmi, óeðlileg þroskun og of hröð frumuskipting í frumum yfirhúðar. 2% manna þjást af Psoriasis.
Psoriasismeðferð er náttúruleg meðferð sem byggir á lækningamætti jarðsjósins. Jarðsjórinn er samsettur úr hafsjó (65%) og ferskvatni (35%). Jarðsjórinn í Bláa lóninu inniheldur virku efnin, kísil, þörunga og steinefni sem eru grundvallaratriðin í lækningamættinum sem jarðsjórinn býr yfir. Náttúrulegt umhverfi svo sem ferskt loft, hreint vatn og blue lagoon húðvörurnar skipta einnig miklu máli í meðferðinni.
Meðferðin í Bláa lóninu hefur verið í boði síðan 1994. Það hefur verið sýnt fram á í mörgum rannsóknum að jarðsjórinn hafi jákvæð og mikil áhrif á einstaklinga sem þjást af húðsjúkdóminum Psoriasis. Klíniskar rannsóknir hafa sýnt fram á að það fæst meiri bati við böðun í Bláa lóninu en að stunda UVB-meðferð. Meðferðin stendur í 4 vikur og í hverri viku baða sjúklingarnir sig 5 sinnum. UVB-meðferðinn getur haldið einkennum ofnæmisfrumanna niðri. En áhrifin af að baða sig í jarðsjónum er ennþá óljós.
Það var gerð tilraun á 6 sjúklingum, tveir voru settir í UVB-meðferð, tveir í baðmeðferð í jarðsjónum tvisvar sinnum á dag og síðan tveir sjúklingar sem voru settir bæði í baðmeðferðina og UVB-meðferðina. Í ljós kom að mestu áhrifin voru ef báðar meðferðirnar voru stundaðar samtímis. Árið 2013 komu um 70 erlendir meðferðargestir frá yfir 20 mismunandi þjóðlöndum í Bláa Lóns psoriasismeðferð.
Þetta byrjaði allt þannig að það vann starfsmaður í verksmiðjunni sem þjáðist af Psoriasis. Hann byrjaði að baða sig í lóninu eins og aðrir voru að byrja að gera á þeim tíma. Hann taldi sig hafa hlotið bata við að baða sig í Lóninu og fleiri sjúklingar byrjuðu að baða sig og það kom í ljós að þetta hafði jákvæð áhrif á sjúklingana.